平價車： 別克凱越

今次係瑞卡見到有批全新凱越租，所以搵個機會旅行順便試車。其實以前我都借過朋友部別克揸過，名副其實美國車嗮油又無力（大陸都行1.7一公里！）。今次見呢部係“大陸款”別克，就俾多次機會！

今次路程係又深圳出發，漏夜揸去河源市過夜，玩兩日之後返原地還車。全程約500公里，油費260蚊人仔（深圳￥7.85一升）。

瑞卡租車

上星期係網上見到有一間叫瑞卡租車係深圳買咗大量新車，仲有搞推廣，膽粗粗就去組一次。基本上同神舟無乜分別，租車前步驟大同小異，不過亦有d唔同：

• 瑞卡實行實報收費，唔使之後又要幾手續費同保險費
• 每日還車有兩個時段 - 朝早11點同下午5點，唔同其他公司可以幾點借幾點還
• 2000蚊不計免賠20蚊一日，俾其他行家平

用後評價：

呢間公司規模同策略好明顯係對住神舟幹，但係似終新公司新人唔熟手，制度亦都無神舟咁成熟。不過我認為如果呢間公司搞得起就可以俾大家多一個選擇，唔使一定要幫一間租嗮。

英國： Zip Cars

最近去英國旅行，有需要租部車，有朋友介紹我join Zipcar，因為部車容易租容易還（連checkout既步驟都唔洗）。基本上要join既步驟係咁：

• 先上網登記資料
• 等佢寄張感應卡黎
• 搵你就近既租車點，然後上網訂車
• 用感應卡開車門，車匙 係glovebox裡面
• 用完車放番條匙 返glovebox，用感應卡鎖車，走人

今次我租咗部Golf柴油四個鐘，七英鎊一個鐘，乜都包嗮（連油都包埋！）：

平價車 ： 新賽歐

新賽歐係我租車中比較唔鐘意既一部

呢部雖然係美國牌子，內裡應該都係一部韓國車。呢部低配車只得個1.2引擎，但係馬力都算可以（對1.2黎講），不過油門就真係要踩大d。

低配置跟鐵鈴

好膠的軚盤，摸落去仲膠！

幾簡單既顯示

低配置齋收音機，無CD，有Aux in

泠氣中等，唔夠日本車勁

煙插

儲物盤幾大，夠嗮裝我d“攞你命3000”

好膠的波棍

左邊出風口下低有個格放錢/高速卡

更正，原來有兩個格！

後坐唔逼，唔頂腳

後邊窗係手搞，我個人喜歡

前面窗控制係中間，學Benz咩

低配置車有乘客Airbag！

門邊儲物格好窄，屈臣氏水放唔落

好似Civic咁，超粗A柱高到睇位幾難

Pros&Cons：

強項：

• 車廂俾同級車大，坐食個大人都無問題。
• 內籠儲物地方多。
• 後座手攪窗，小野壞。

弱點：

• 內籠膠感突出。
• 1.2引擎有時唔夠力。
• 粗A柱，盲位多。
• 避震偏硬，行爛路會好唔舒服。

平價車 ： 新愛麗舍

我之前係北京之行都有大概講過呢部車。呢部車亦都係我租得最多，同我最鐘意租到既車。

以同級車比較，呢部車係最好力既一部，因為其他車都係1.2/1.4/1.5等，呢部就係1.6。低轉扭力高，起步同靈活度亦都較好。不過最吸引人既地方係操控，呢部車套避震可以吸收大陸多數爛路既震動，但係同時間又可以俾到我信心行好多灣既山路。有次揸住呢部車半夜行井岡山，令人回味！

油耗來講，雖然做唔到好似飛度咁平，不過都係大概五毫子一公里（約￥7.3/公升 ），1.6車都算唔錯。

本來我都以為法國車耐用性有限，點知有一次，又江西經過湖南行百幾公里105國道去韶關過夜，點知成條國道掘到爛嗮，卒之被迫行咗成六個鐘rally先可以脫離險境（中間仲見到部大陸四驅車福迪成個轆跌咗出黎），我部車依然乜事都無，之後我對呢部車真係五體投地！

唯一要投訴既地方，係部車張凳。上背支持比較差，如果揸過個零鐘就會腰酸背疼。

以上係最低型號既鐵鈴

後座比較窄 ，如果有四個大人會坐得辛苦d。

中控台簡單，好容易操作。

車尾都算大，裝到四個行李艙行李。

Pros&Cons：

強項：

• 引擎好力，操控靈活。
• 避震適合大陸路況，坐得舒服。
• 操作簡單，好小野壞。
• 比我想像中耐用。

弱點：

• 內籠窄，唔建議坐四個大人。
• 唔好租自動波，個四前速好失敗。
• 駕駛凳設計有問題，揸長車會辛苦。
• 喇叭掣係指揮燈度，緊急環境時會噤錯掣。

平價車： 飛度

我歷黎租咗兩架飛度，一架係比較舊，一架係全新既。講真兩部大同小異，只係新果部既避震硬d，同未開既逼力係差d（雖然呢一代Honda既原廠逼力都係好唔掂）。 以下係我先前租既一部（舊車）：

內籠：

部車只係行咗3564公里

當日平均油耗係5.8l/100km，同級黎講真係好低！

收音機比較簡單，不過有空間自己升級

以租車黎講，呢部車多數都係自動波車，棍波 屬好小數。

Pros & Cons

好處：

• 部車真係好慳油，d法國車（愛麗舍,207)平均油耗通常都要超過 6l/100km，五前速自動波行120公里都唔過2500轉。
• i-Vtec 系統行高速最有效，過110km/h 部車仲好有力
• 隔音真係唔錯，比之前我租部Civic仲要好
• 泠氣ok凍，34度天氣都算夠涼
• 前後坐空間夠大，坐4個大人都ok
• 好多地方放野

弱點：

• 避震較硬，唔坐得車既人可能連行高速都頂唔順。但係過灣果陣部車就好側，操控唔夠法國對手黎
• 100km/h之內加速欠佳，未開 i-vtec 之前好慢
• 車頭尖，好難睇位
• 逼力唔夠，落雨揸會驚驚
• 套包圍雖然靚，不過係大陸有d過低，鄉村爛路要好慢咁過

總結：

如果你係想行高速比較多既路程，呢部車會係好好既選擇。但係如果山路多，不如租番d法國車好過。

北京兩日遊

今次出差去北京，順便留多兩日周圍去玩下，行程如下：

北京機場 -》居庸關 -》北京猿人 -》天安門廣場 -》易縣 -》清西陵 -》 張飛廟-》 北京機場

今次租咗我既favourite car：

呢部新愛麗舍，係平租車之中最好既一部，好力好彎油平又舒服，車尾又ok大。通常我都會租呢部車。

第一晚我同幾位同事一齊去機場攞車，食完晚飯後就去居庸關瞓一晚，到酒店已經成十一點，路上黑漆漆一片無野影！

第二朝一起身先知道個關係咁宏偉：

入場費每人￥45，係大陸算平！

如到去，睇下地圖，點之原來係笑料（俾你估下係咩）：

一入去，原來遊覽區都有十元店：

連紀念幣都有好幾種：

又搞證書又盛：

原來呢度都有人搞d咁既野：

睇咗咁耐，終於要面對現實，開展慢長的爬山行程：

上咗一截，風景都幾好：

古色古香的公廁：

行咗一半，落山先知原來梯級係咁斜：

落到最低，發覺條高速係長城低經過，幾得意：

大家都行咗大約兩個鐘，接近食飯時間，係國道向北京方向走咗20分鐘左右揾到間多本地人去既刷羊肉餐廳（有團友好反對係遊覽點附近揾野食）：

四個人食咗大約二百蚊，有六十蚊係去咗order兩份“A1”牛肉度，不過都幾好食！

醫完肚後，行高速向周口店進發：

中途見到間油站有平油，餵飽部車先：

入到去，周口點個博物館並唔係我想像中咁大：

話說周口店有好多個遺址，係由一個瑞典人發現既，仲要係囉咗d石sample返去瑞典先發現有猿人遺骸，之後最大發掘都係二戰之前發生，但係大部分出土文物都係打仗果陣遺失！所以博物館裡面都係d之後先搵到既動物骨頭，人頭就比較小有。