- 上網站揾間相應租車公司，並登記account - 有d公司要你預先scan回鄉證同大陸車牌俾佢認證先，為期2-3個工作天
- 上網book車 - 越早book同網上預付款越好，因為個rate會平d。但係如果你要急用車，要記住上網訂車有處理時間，由兩個鐘到一日不等。
- 準時攞車 - 通常租車公司會係你攞車時間前一個鐘左右call你確認你會準時到（尤其係“服務點”攞車），呢個係一個好機會問下攞車既地方點樣去。就算你遲到，租車時間都會係預訂鐘數開始。
- 簽文件/預授權 - 攞車之前工作人員會先要求你登記駕駛證（要俾埋副頁），簽租車單同俾預授權（range由幾千到幾萬，睇車款）,大公司通常都會收VISA/Mastercard/銀聯。記住keep番張預授權單仔，等之後方便取消。
- 驗車 - 職員會攞驗車紙同你去驗車，呢個時候你應該要比個職員更加小心，因為如果你chcek唔到某d傷痕，還車果陣可能要你負責！另外，內籠，收音機同空調都要好小心check，溜溜長車程無其中一樣都唔好啦！仲要check下有無行車證，保險cover note 同驗車單check list上每樣野。所有野mark低係驗收單，核對之後就要簽名。
- 出車 - 出停車場之前，最好 check下部車d避震逼力有無問題，如果有問題就要通知職員。
- 如果部車係出面有咩問題（壞車撞車都好），就一定 要先打去租車公司，話嗮多數香港人都唔熟大陸交通規則，有咩事都要揾租車公司出頭（我都係有次咁樣擊退咗班撞車黨）！
- 還車前，有d有心職員會打俾你問你幾時還車。如果你租部車係第二個branch還，咁你就要問下職員點樣還架車去指定停車場。
- 還車時，記得要同個職員一齊驗車。之後攞番之前預授權張野做取消，再另外簽一張預授權 - 違規告票用。交埋租車費（如果你無網上預繳）就可以走！
2012年5月17日 星期四
國內租車步驟
國內租車步驟：
2012年5月6日 星期日
行程： 海口 - 徐聞 - 雷州 - 陽江 - 開平 - 廣州
今次係海口幫神X租車租咗部Civic揸返去廣州，限期兩日，我就book咗5點pick up，等還車果陣鬆動d：
第一日： 海口 - 徐聞
攞車果陣當然係驗 屍咁驗，最緊要係要將最微細既花痕都要揾出黎，然後一定要個服務員寫低落張驗車但度（尤其係走長途）。呢部車其實都有好多“戰績”，我反而放心，如果俾部全新既車我反而會揸得好緊張。架車內籠清潔得非常乾淨，並無任何異味，證明殷勤既呀嬸係有做野！
簽咗驗車單之後成五點幾，就要返酒店（之前已經係三亞玩咗幾日，之後坐河蟹號去海口）攞行李 ，趕住7點半係南港既載貨車渡輪（網上schedule係咁講既，但係無得網上買飛）。又咁啱係放工時間，用咗半個鐘先行到三公里！
攞完行李後，真係好彩，啱啱出酒店路口唔夠200米就俾個靚女錫咗啖pat pat：
靚女：
話說個靚女部車出咗3日，咁啱揸揸下夢遊唔記得剎車就錫咗埋黎，雖然佢話會負全責，不過要等保險公司派人黎之後先會賠償。雖然個泵把只係花咗小小，但係部車係租既，一定要佢賠。
當個靚女同保險公司講緊電話，我就叫佢俾個電話我，就話因為我趕船，要佢盡快黎，咁佢就叫我地去碼頭等佢，方便我可以先去買飛。
最後，經保險公司人員打價，個靚女賠咗幾百蚊俾我，但係班船就趕唔到，要等九點八果班！
南港碼頭入去條路係好隱蔽（尤其係夜晚，因為條路無燈），GPS又無佢位置，我都係跟d大貨車走先揾到個入口，中間經過個好簡單既枰重站，順便有船飛賣：
一部車載三個人要成五百幾蚊（一部車只包一個人既票，其他乘客就多謝￥42一位），好貴！
入碼頭條路基本係俾d貨車塞滿嗮條慢線，我地d小車就要越線行駛，當地人都掌握商機，沿路都有好多賣零食/生果等既鋪頭。因為個靚女，連晚飯都無得食，我都買咗兩個椰子飲（￥5一大個）。
到碼頭等船果陣，有個公安走埋黎話我部車有違章未交，唔可以上船，要去碼頭派出所睇相同交罰款先肯放車。一睇就冤枉，d罰單成兩個月之前，肯定唔係我做既！不過d公安係都要我交咗先俾部車上船。咁我唯有打去租車熱線問個究竟，果邊職員話先交咗佢，然後d錢匯返俾我（成3張，六百大元呀！），今日都算黑仔啦！
多謝嗮班公安，我部車係最尾上船既一部小車，不過都係要去乘客大堂放低兩位乘客買飛同分開上船。果陣部火車都上咗船，無野睇：
上到船，發現只有半層甲板係俾車用既，而下層係俾嗮部火車，想比起外國d過大海渡輪分分鐘有兩三層甲板係留俾d汽車真係爭d d。泊車果陣有幾個職員指示，不過觀眾唔只佢地：
泊咗車就要去乘客休息室，同當年油麻地小輪有得比（不過係有微弱冷氣）：
去船尾睇返，原來部火車係要拆開四份分四個track入船：
開船了：
被大車圍困的小車：
另外一艘“粵海鐵”渡輪：
成個鐘船溜溜長，無野好做，無聊到揾個GPS出黎玩：
Finally！終於到岸啦！
扯大纜：
泊好船，要對返d火車軌：
同d步行乘客爭樓梯：
揸車落船：
出個港口，經過見到d火車卡一卡卡咁推出黎：
之後行咗大約半個鐘農村路（成十一點仲見到班村民係度賭錢），終於到達酒店。唔知係咪“大難之後，必有後福”，原來果度間酒樓點心供應到半夜，醫完肚就有覺好瞓。
第二日： 徐聞 - 雷州 - 陽江
第二朝起身，先知道住果個酒店個view好靚：
仲見到大船埋岸:
早餐有係去返同一間餐廳飲茶，之後出發去雷州（90公里）。途中經過徐聞市中心，原來仲有好多三腳雞：
第一次行高速先知道部車行超過八十公里會比較嘈，唔通國產車同日本車爭咁遠？（我有個朋友係廣州部CIVIC都有咁既問題）
之前上網揾料，話雷州係一個古城，以前好多被貶去海南既官員（蘇東坡在內）都會係度留番條腳毛，咁我以為個鎮都會係古色古香，不過去到有d失望：
第一個旅遊點係雷祖祠，個地點係d農村同農地交界，無GPS真係會好難揾，但係去到見到規模唔細，嚇咗一跳：
一入去就有一個國內非常普遍既物盡其用 - 用個前塘養魚：
可能呢度唔係"國家重點旅遊區”，去到鬼影都無隻：
唔收費既景點又無人去都係第一次見！不過見佢keep得幾好，又無神棍監我買香，我都最尾捐咗廿蚊香油。
三元塔
估唔到果日真係咁曬，返上車果陣d熱氣湧嗮出黎，好彩呢部CIVIC冷氣夠勁，五分鐘就可以出發去三元塔。呢個三元塔既位置就好似係石板街上面揾個廟咁，四週圍d街都好窄，不過一入去就好似另一番天地，大把空地：
咁啱係國內人食飯時間，偷影個三輪車師傅午睡：
原來三輪車都要攞牌！
一見到個塔有d失望，根本就係大陸好例牌咁起個景點用黎賺錢：
雖然入場費只係十蚊，不過真係食咗佢仲好！
周圍望下，風景都幾好播：
市中心/西湖公園
好好地一個公園，有要拉d“文明”banner，吹漲！
樹蔭底有班呀叔呀嬸算命，準唔準就唔知啦！
午飯本來想揾間比較有規模既酒樓食既，但係果日好日，間間酒樓都俾人包咗，其中一間酒樓仲用部戰鬥機做招來：
無辦法，要周圍兜揾野食，途中又係個意想不到既地方經過烈士紀念碑：
卒之去咗個娛樂場所裡邊一個“浪漫主題餐廳”食西餐：
食完飯，我兩位乘客去洗腳（兩個鐘），我就去咗剪頭髮，加埋全數￥250，幾抵！
Soft 完，係時候揸車去陽江過夜，慢長兩個幾鐘車好悶，無咩影，不過影到大陸人揸車既精隨（快線L + 走路肩）：
我知個cam好渣，請多多包涵！
之後去咗個有規模既高速休息站，油站餐廳商店車房乜都有，同歐洲休息站有得比（除咗個廁所）：
陽江
接落黎係陽江無影相，好對唔住！第三日 - 陽江 - 開平碉樓 - 廣州還車
海甸島/海上丝绸之路博物馆：
從網上research ，广东海上丝绸之路博物馆位於陽江海甸島，仲有艘宋代沉船睇。 從酒店出發去到海甸島差唔多40公里，本來以為九個字就到，點知俾個GPS點到傻，村仔路市中心全部行均嗮。行咗半個鐘先出返條好d既路。有名你叫，海甸島係個島，本來以為會有條大橋行下，點知只係個堤壩：
之後又俾個GPS點咗一次，行埋d村仔路，仲揸咗入個地盤！
九曲十三彎之後，終於到咗個museum：
入場費每人八十，不過有大船睇就由佢啦。入到去啱啱好趕到有人帶團，講解咗隻船點樣無意之間俾人發現，同點樣打撈出黎，仲有show咗一d船上文物。點知都戲玉先大失所望，原來隻船打撈係用個貨櫃一樣既鐵箱包住先再撈出黎，但係可能要保持水壓，上咗水成幾年個鐵箱都未拆，我見到既只係一個浸係水裏邊既箱，嬲到連相都廢事影！
見個museum都無其他好野睇，就不如早d走啦。臨走見到山上面有d風車，可能想推行環保：
鑑於之前俾個GPS點，我決定跟d旅遊車走。一轉個山頭，就見到海甸島旅遊區，個賣相唔錯：
開平碉樓
返去廣州還車之前，去一去開平睇下出嗮名既碉樓（因為“讓子彈飛”都係果度拍）：
話說呢d“碉樓”係班出咗洋既村民出錢起既，所以好有中西crossover feel。呢d樓無八十年都有一百年，證明唔係豆腐渣工程。
讓子彈飛果棟樓逼滿嗮人，所以無上去：
掛幅咁既對聯係度真係唔怕俾公安拉去做“思想教育”
然後，又揸咗兩個鐘頭返去廣州還車。佛開高速仲係限速60，唯有全程跟住部大巴行，費事俾人影。
還車果陣，因為我買咗免賠，所以花咗泵把都唔使賠！
之後坐高鐵經深圳返港，第一次坐廣深高鐵唔使停站（只需26分鐘）。
旅程完結！
訂閱：
文章 (Atom)